porteiro, maría xosé

Entrando xa nesta cuestión, debo dicir que recibín do noso contacto no consulado de Cuba en Vigo os documentos que esperaba. Logo da súa análise, detecto que os servizos de información franquista tratan de crear confusión por se caen en mans inimigas.

Ela quixo vivir na miña casa porque lle gustaba o ático. No primeiro andar, Lázaro e mais eu tiñamos unha sorte de apartamento e na planta baixa estaban as dependencias de Leonarda. Desde ese fermoso predio da parte alta de Vigo, en Candeán, a ría despregábase impúdica e as illas das Deusas, como sempre lles chamabamos ás Cíes, eran o lugar ao que dirixiamos a ollada durante a meditación das primeiras horas do día.

Pero a policía seguía os pasos do seu pai, e pasados motios anos, Xermán confesoulle que estivera varias veces nos calabozos do cárcere de Vigo, sometido a vexacións que non chegaron a tortura, pero nalgún momento recibiu o aviso de que estaría mellor fóra do país.

Non se perdoaría arriscar a súa vida nin a delas. Cando comezou os contactos coas células comunistas reactivadas en Madrid e Vigo, conectadas coa mocidade universitaria de Compostela e os obreiros comprometidos das industrias de Vigo e Ferrol, estaba cumprido co mandato que lle dera o Che.