Elisabeth, inspectora de Policía de Vigo, debe resolver un macabro asasinato no que, non sendo o primeiro de varios, todo apunta cara a unha seita satánica. Para a súa resolución contará coa axuda de dous homes cun potente contrapunto: Mateo García, un cura experto en investigacións relacionadas coa Igrexa, e Mario, que a pesar de ser o mellor neste campo, foi excomungado por prácticas pouco ortodoxas. Pronto descubrirán unha pugna entre dúas faccións eclesiásticas, piagnoni e arrabiatti, onde a Biblia do Diaño ou Códex Gigas xogará un importante papel.

Unha novela de ritmo rápido e trepidante, chea de acción, Historia e xiros sorprendentes que nos levará dende a Idade Media ata a actualidade, pasando por cidades coma Roma, Estocolmo, Florencia ou Vigo.