calveiro, marcos

Todas as notas de artigos e libros que falaban sobre a intervención nazi na Guerra Civil española e a represión fascista na ría de Arousa e que levara da Biblioteca Central de Vigo ou consultara na Penzol ou na biblioteca municipal de Vilagarcía.

Eu sabía que aquel número de teléfono pertencía ao consulado británico en Vigo, e tamén que se chamaba ninguén contestaría do outro lado da liña. A oficina consular levaba un tempo pechada por “razóns orzamentarias” e Mrs. Watford, que ese era o apelido da consulesa, cesara nas súas funcións diplomáticas e aínda non nomearan o seu substituto.

— Pois en Vigo tentaron poñerlle unha placa cun busto na casa da rúa Reconquista, onde vivira antes de marchar a Inglaterra — comentei eu.

A cidade mudou moitísimo; non é aquela vila mariñeira que lembra da súa infancia de pícaro morriento na Falperra.

Por non esquecerse daquel extraordinario concerto do violinista Pablo Sarasate no Teatro-Circo Tamberlick, que rematou cunha sentida muiñeira ovacionada con todo o público posto en pé.

Ou o pavoroso incendio que destruíu o teatro Rosalía de Castro na madrugada dun martes de Entroido ao remate do baile da sociedade recreativa El Olivo, e ao que o propio Ferrer asistira.

Vigo non foi menos ca outras senlleiras cidades portuarias, ao que había que engadir a importancia colonia alemá na cidade, formada, sobre todo, polos empregados das oficinas de El Cable Alemán, sitas na rúa Torrecedeira, e as súas familias, así como polas tripulacións dos mercantes xermanos fondeados na ría dende o estalido do contenda, como o transatlántico Goeben ou o vapor Neuenfels.

Algunhas aquí, nas vidas deses anónimos afogados que de cando en vez os mariñeiros sacaban nas súas redes do fondo da ría. E a meirande parte, en alta mar, nos mercantes afundidos ou apresados polo buques de guerra de calquera dos dous bandos.

El contoulle que era alemán, que deixara o seu rexemento da Lexión Cóndor en León para visitar a Delia e que nuns días tería que unirse a eles de novo para regresar ao seu país dende os peiraos de Vigo.