O achado dun cadáver nunha praia interrompe bruscamente a serenidade do paraíso natural das illas Cíes. As gaivotas acurralan co seu macabro voo os restos dun corpo que foi acoitelado e que ten o rostro desfigurado de maneira brutal. Non hai dúbida: entre os habitantes do cámping próximo escóndese un asasino, e a idílica paisaxe non recobrará a calma até atopalo. Nora Pardo, unha detective en horas baixas, vese obrigada a tomar as rendas da investigación e pór a proba as súas capacidades co fin de desenmascarar ao autor do crime. Pero pronto descobre que nunca se enfrontou a algo parecido e atópase atrapada nunha rede de mentiras na que todos, e ningún, parecen culpable.