Esta historia non comeza coa desaparición dunha moza, senón cunha reaparición. Despois de catro anos nos que non se soubo nada dela, Cruz Castro regresa polo seu propio pé a Calixe, un pobo no corazón de Galicia. Está pálida e asegura que pasou eses catro anos baixo terra, secuestrada polos mouros, unha raza de seres míticos que habitan os bosques locais segundo as lendas. Ademais, asegura que iso é o mellor que lle puido pasar, que os mouros secuestrárona para axudala a deixar de ser unha «mala semente».
No pobo cren que se inventou esa historia absurda para esconder que marchou con algún home que logo a deixou tirada. Con todo, Asunta Lourerio, unha xornalista en horas baixas, entrevístaa e comeza a sospeitar que tras a fantástica historia de Cruz pode esconderse quizá unha seita ou un secuestrador moi real. Decidida a coñecer a verdade, Asunta comeza a investigar pola súa conta e descobre que talvez Cruz non sexa a única moza desaparecida e reaparecida tempo despois en estrañas circunstancias na zona.
Pouco despois, nos bosques aparece asasinada outra moza. Alguén lle marcou cun coitelo dúas palabras nas costas: Mala semente.
Baixo as raíces das árbores alguén cultiva un segredo, o aire dun misterio, a terra dun crime.