O protagonista é un arquitecto vigués que nun momento transcendental da súa vida vese na obriga de resolver un problema derivado do pasado dos seus pais como emigrantes en Caracas. Alí Senén Barreiro baterá co mundo da emigración galega e cun libro de sona e ben polémico na nosa literatura. De regreso a Vigo, a trama acelérase e xorde a poderosa e descoñecida Serra do Suído.

A segunda entrega da serie de novela negra que asina Beto Luaces centra a trama no mundo da conserva viguesa. O asasinato dun dos últimos representantes da “estirpe empresarial máis grande de Vigo” escabechado na súa propia fábrica leva á viúva a contratar ao detective Manuel Peixoto para descubrir que pasou. Polo camiño, descubrirá a historia da actual cidade de Vigo ligada inexorablemente ao mundo da conserva. O ex-policía expulsado do corpo tras os sucesos da primeira novela é agora o protagonista mentres o arquitecto Senén Barreiro pasa a un segundo plano. Quen segue moi presente de novo é a poderosa e enigmática serra do Suído.

Con esta cuarta entrega, Beto Luaces supera a triloxía e evanza na serie. Desta volta, o detective Manuel Peixoto ten que afrontar un reto… ben elevado. Un accidente deportivo na serra do Suido desencadea a trama que chega á cidade de Vigo. Un novo relato en clave de xénero negro, ben enfiado e que bascula cara o pasado, ensarilla o presente e ameaza o futuro dun dos piares onde se asenta o progreso da cidade máis grande e poboada de Galicia. O odio como motor das vidas derramadas o mal fado que recunca nas familias con cada xeración.