Forma parte xa da mitoloxía deste século, grazas non só á súa obra literaria, senón tamén á lenda que se formou ao redor da súa azarosa vida e á súa tráxica morte. Home aventureiro e amante do risco, aos dezanove anos, durante a Primeira Guerra Mundial, enrolouse na Cruz Vermella. Participou así mesmo na Guerra Civil española e noutros conflitos bélicos en calidade de correspondente. Estas experiencias, así como as súas viaxes por África, reflíctense en varias das súas obras. Na década de 1920 instalouse en París, onde coñeceu os ambientes literarios de vangarda. Máis tarde viviu en lugares retirados de Cuba e Estados Unidos, onde, ademais de escribir, puido dedicarse a unha das súas grandes afeccións: a pesca, un tema recorrente na súa produción literaria. En 1954 obtivo o Premio Nobel de Literatura. Sete anos despois, sumido nunha profunda depresión, quitouse a vida.

Bibliografía: Penguin Random House Grupo Editorial