Inverno de 1924 na cidade de Vigo, unha urbe industrial e moderna que convive nunha simbiose perfecta co océano Atlántico. Arredor deste mar, a paixón por Verne do mozo Santos, o espírito artístico de Cristina, as ansias de liberdade de Beatriz, a búsqueda dun galeón afundido por parte do inglés Homer K. Lochless e as cartas do misterioso Arthur, entretécense coa investigación dunha repentina epidemia que asolaga a cidade e dun crime cometido vinte anos antes. Nesta historia de historias todo garda relación, como nun crebacabezas no que cada peza é clave para encaixar a seguinte.