La rosa
Memorias, entendimientos y voluntades

Con trinta e catro anos Cela emprendeu a escritura das súas memorias, que ían levar por título xeral «La cucaña» e comprender varios volumes. Con todo, só alcanzaron a ver a luz os dous aquí reunidos. De 1959 é «La rosa«, un libro insólito na traxectoria do autor pola delicadeza e a tenrura que emana a intensa evocación da súa infancia en Galicia. Houbo que esperar máis de tres décadas para que aparecese «Memorias, entendimientos y voluntades» (1993), no que Cela narra o traslado da familia a Madrid en 1925, os seus anos de estudos e a súa vivencia da República e a Guerra Civil, para concluír coa publicación, en 1942, do seu primeiro libro: «La familia de Pascual Duarte».

Mazurca para dos muertos
La cruz de San Andrés
Madera de boj

O presente volume reúne as tres novelas que Camilo José Cela ambientou en Galicia: «Mazurca para dos muertos» (1983), «La Cruz de San Andrés» (1994) e «Madera de Boj» (1999). A primeira narra a tráxica historia da morte de dous irmáns e dunha vinganza, con personaxes variados e un folclore rural que lembra «La familia de Pascual Duarte». En «La Cruz de San Andrés», a protagonista fai unha estremecedora confesión que abarca desde o sexo e a frustración ata a tolemia e a morte. Por último,»Madera de boj» sitúase nun territorio liminar, entre a vida e a morte, o mar e a terra, para achegarnos ao fluxo e refluxo que caracteriza a existencia de moitos habitantes da costa marítima galega.