<< En «La Biblia en España»,  Borrow non desempeña o papel dun espectador afastado, sitúase á mesma altura do que describe e valora. Inmíscese, séntese persoalmente aludido con todo o que acontece e sabe achegar a súa mirada á curiosidade do lector. Ademais da súa perspicacia de bo observador -que describe con entusiasmo canto ve e xorde ao seu paso-, como escritor contou coa admirable facultade de converter cada escena contemplada nun espectáculo narrativo. Grazas á súa pluma, sempre hai, en cada páxina, un acontecemento que cobra vida.>> (Introdución de Alberto González Troyano).
«The  Bible  in  Spain» publicouse en Londres en 1842. Entón o seu triunfo foi inmenso. No primeiro ano esgotáronse seis edicións de mil exemplares en tres volumes, e unha edición de dez mil exemplares en dous tomos. Dúas veces  reimpresa en América do Norte aquel mesmo ano e traducida enseguida ao alemán, francés e ruso; en 1911 ían publicadas da obra máis de vinte edicións inglesas. Con todo, case oitenta anos tivo que esperar este libro para que tivese a súa primeira tradución ao español, que foi obra de Manuel Azaña.