Borja, Paula, Irene, Silvia, Maxi, Alberto, Felipe, Pedro… Un grupo de amigos que inician o seu último curso nun instituto de Vigo. Nas súas vidas hai ilusións e libros, pais e profesores, moito deporte e moita marcha, vitorias, desenganos e algunhas movidas memorables. Uns rapaces, unha historia, unha paisaxe, e os avatares dun amor que chega, como sempre, sen avisar. Unha novela apaixonada e apaixonante, escrita en forma de diario, que culmina cun imprevisto desenlace.