Álvarez, Masha
Vigo, 1983
Licenciada en Filoloxía Inglesa, e exerce como profesora no ensino secundario.
Fotografía: arquivo da autora
Biografía
Residiu dous anos nos Estados Unidos (Sioux Falls, Dakota do Sur), o que sen dúbida inspirou o poemario Dakota, gañador do XV Premio de Poesía Victoriano Taibo.
Compaxina o seu labor profesional cunha carreira musical dentro do grupo Os Residuos Atractivas. Masha, como Yves Berger e John Dunbar, tamén sente a pulsión de ir ver a fronteira, antes de que desapareza.
Bibliografía: Editorial Galaxia
Parada bibliográfica
Dakota
Premio Victoriano Taibo 2023
A poesía acumula puntas de frecha na terra, escava no tempo e a raíz levanta o chan. Masha Álvarez corta as fronteiras políticas e familiares que, como pastores eléctricos, convidan a non pasar. E ela pasa.
Existe un fondo de electricidade, unha alma que se gaña a si mesma meténdose por onde os camiños abertos son case espellismos. O poema é o acubillo das ruínas e a labarada do fósforo.
A poeta abre un camiño entre lugares aos que agora podemos chegar nós.
A hospitalidade na neve é este poema.
A poesía acumula puntas de frecha na terra, escava no tempo e a raíz levanta o chan. Masha Álvarez corta as fronteiras políticas e familiares que, como pastores eléctricos, convidan a non pasar. E ela pasa.
Existe un fondo de electricidade, unha alma que se gaña a si mesma meténdose por onde os camiños abertos son case espellismos. O poema é o acubillo das ruínas e a labarada do fósforo.
A poeta abre un camiño entre lugares aos que agora podemos chegar nós.
A hospitalidade na neve é este poema.
Edición en galego
Editorial Galaxia