Villar, Domingo
Vigo, 1971 – 2022
Coa súa primeira novela, Ollos de auga (2006) iniciou a serie protagonizada polo inspector Leo Caldas.
Fotografía: web Editorial Galaxia - Anxo CabadaBiografía
A segunda, A praia dos afogados (2009), supuxo a súa consagración no panorama internacional da novela negra con traducións en todo o mundo. En 2019 publícase O último barco, o esperado regreso do inspector Caldas. A serie foi traducida a máis de 15 idiomas. Coas súas obras obtivo o Premio Frei Martín Sarmiento, o Premio Losada Diéguez e o do Libro do Ano da Federación de Libreiros de Galicia, ademais dos premios Sintagma e Brigada 21.
Foi finalista dos Crime Thriller Awards e Dagger International en Reino Unido, do Premio Le Point du Polar Européen en Francia e do Premio da Academia Sueca de Novela Negra.
Bibliografía: Editorial Galaxia
Paradas bibliográficas
Ollos de auga
A novela coa que Domingo Villar iniciou a súa andaina na narrativa policial en galego. Protagonizada polo inspector Caldas, esta obra salienta por combinar suspense, personaxes orixinais, ambiente urbano e humos nas doses precisas que esixe o xénero negro.
Edición en galego
Editorial Galaxia
Edición en castelán
Ediciones Siruela
A praia dos afogados
Despois do éxito de Ollos de auga, Domingo Villar preséntanos esta apaixonante novela de intriga que mergulla o lector no mundo da Galicia mariñeira, desde os areais das Rías Baixas á paisaxe urbana e as tabernas da cidade de Vigo.
Edición en galego
Editorial Galaxia
Edición en castelán
Ediciones Siruela
O último barco
A filla do doutor Andrade vive nun lugar onde as praias de ondas mansas contrastan co bulir da outra beira. Alí, as mariscadoras pescudan na area, os mariñeiros botan os aparellos á auga e os que van traballar á cidade agardan no peirao a chegada do barco que cruza cada media hora a ría de Vigo.
Edición en galego
Editorial Galaxia
Edición en castelán
Ediciones Siruela
Algúns contos completos
«Este libro de contos pretende celebrar a vida e a amizade nun encontro, como nas nosas reunións de amigos, entre os meus pequenos relatos e os marabillosos linogravados de Carlos Baonza»
Edición en galego
Editorial Galaxia
Edición en castelán
Ediciones Siruela