bescós, francisco

Desde que empezou o ano, descubríronse en Madrid os cadáveres de varias persoas executadas misteriosamente. Parecen vítimas escollidas ao azar, xa que apareceron en lugares remotos da capital. Con todo, hai dous investigadores pertencentes a comisarías distintas que están empeñados en seguir, cada un pola súa conta, as poucas pistas dispoñibles.

Trátase da inspectora Doce O’Rourke, de personalidade explosiva pero insegura na súa vida sentimental, e do inspector Juan Luís Seito, en aparencia apoucado pero capaz de remover ceo e terra se destapa un caso importante.

Cando chegan á conclusión de que un mercenario de elite está a roldar as rúas da cidade, saltan todas as alarmas. É alguén con moita experiencia, afeito a matar impunemente. Algo está a pasar. Algo demasiado complicado. E tamén demasiado grande. Algo que ninguén, en ningures do mundo, detectou ata o de agora.