Pereiro, María Teresa
Madrid, 1983
Fotografía: arquivo da autora - medios sociais
Biografía
O camiño que a levou a converterse en escritora parecía trazado desde a infancia, aínda que repleto de desvíos e non exento de obstáculos. Os seus primeiros textos son daqueles anos, cando con grandes letras redondas escribía pequenos contos e poemas que regalaba aos seus seres queridos.
Algúns dos seus relatos foron merecedores de recoñecementos como o Premio Provincial da Mocidade da provincia de Pontevedra, mentres que outros foron publicados en diferentes medios. A súa ópera prima, El tiempo de la sal, alzouse co Premio Tiflos de Novela na súa XXV edición.
Bibliografía: Editorial Galaxia Gutenberg
Paradas bibliográficas
El tiempo de la sal
Era o tempo das luces e as súas sombras, do pobo afogado pola cidade. No Vigo de 1878, só o mar permanece inalterable, e Sabela, unha moza traballadora da crepuscular industria da salgadura, aférrase a el enredándose no pasado como único modo de afrontar o futuro. Ata que un estival día de festa crúzase na súa vida un descoñecido que parece coñecela mellor ca un amigo, un estranxeiro co cal comparte máis que con calquera veciño, un home que empeza a vivir tras percorrer vinte mil leguas coa súa imaxinación.
El tiempo de la sal é unha novela intimista na que se entrelazan realidade e ficción, onde se explora desde as profundidades dunha ría que esconde segredos enterrados na afastada batalla de Rande ata a superficie das relacións da embrionaria burguesía viguesa decimonónica.
Unha historia para descubrir que ata as máis grandes e inesperadas aventuras empezan por un primeiro paso, e que nunca é tarde para emprender unha viaxe.
Editorial en castelán
Editorial Galaxia Gutenberg