Fernández fernández, Raquel

En realidade Méndez e Antúnez son pasto das chanzas na comisaría de Vigo. Movidos por unha máis que posible cobiza pola referencia de Antúnez co inspector, son a diana perfecta para as mofas por mor do seu parecido.

Lara asente maila non estar nada convencida do seu regreso a Gondomar. Mais non quere rifar co curmán e pensa que, despois da ducha, mercará un boleto de autobús a calquera lugar menos a Vigo.

O inspector bufa canso. Isto vailles complicar un chisco o traballo. Ás veces os medios atrasan máis que axudan. Por esa razón decide volver a Vigo pola tarde e así pór un pouco de orde descartar a posibilidade de que a nena se atope por Ribadero e dille a Silvia que volverá de novo para falar con Anxo.

Ignorando as fermosas vistas das Illas Cíes ao fondo que, como nunha postal, aparecían mentres deixaba o Val Miñor atrás, pensaba noutra ocasión, ía once anos, en que tamén collera o coche co noxo infestándoo por completo.