No verán de 1936, o barco que levaba ao gran escritor Stefan Zweig rumbo a América fixo escala no porto de Vigo. Cos dramáticos ecos da Guerra Civil ecoando no ambiente, o celebrado autor de «O mundo de onte» paseou polas rúas da urbe galega entrando en contacto cunha realidade non moi distante dos totalitarismos que lle forzaban a abandonar, desencantado, a súa amada Europa. No curso dese paseo, Zweig deterase fronte ao escaparate dunha pequena librería e coñecerá ao seu propietario, Ramón, un home que, como el, é consciente do inmenso tesouro que supón a literatura. Ese encontro será o xerme dunha fugaz pero valiosa amizade, cuxo legado se estenderá no tempo moito máis do inicialmente previsto.